Aizawl: Rural Development leh Revenue Minister Lalruatkima’n RD Block thar, Kawrtethawveng-a BDO office complex hmunhma tur nimin khan a enfiah a. BNRGSK Hall-a RD Block thar lawmnaah a tel bawk.
RD minister chuan kum 30 dawn hruaitu hmasa, khawtlang hruaitu leh tlawmngai pawl hrang hrangten nasa taka an lo sual tawh Kawrtethawveng RB Block a piang ta chu lawmawm a tih thu a sawi a. Kawrtethawveng RD block chu Kawrtethawveng ta tur chauh ni lovin, a chhehvel khaw 21-te nena intawm tur a nih thu sawiin, a khaw neitu rilru erawh thiam taka pu tur leh mikhual a chhia a tha thiam taka dawngsawng tur erawh chuan an inbuatsaih a tul thu a sawi.
RD Block hmun atana mi mal ram neituten an ram phal taka an pek avanga lawmawm a tih thu leh ram en fel a nih chuan hna tan tura sorkar a inpeihfel tawh thu a sawi bawk.
Kawrtethawvenga BDO hmunhma atana ram pe phal mi pathum – Biakliantluanga, Rothanmawia leh Lalrintluangi te an awm a, pathum atang hian BDO hmunhma tur chu thlan a ni dawn tih sorkar thuchhuah chuan a tar lang.