Health Minister Dr R Lalthangliana’n NABARD RIDF-XXV sum Rs. nuai 258.943 senga sak Pangzawl Primary Health Centre (PHC) bakah Hnahthial District Hospital-a thisen dahthatna (Blood storage centre) leh nausen piang hlim damlo enkawlna (New born stabilization unit) te chu nimin khan a hawng.
Dr R Lalthangliana chuan Pangzawl PHC chu Hnahthial district tharin a ken tel hmasawnna pawimawh tak pakhat nia sawiin, Health department hnuaia hriselna atana pawimawh hrang hrang te tihchangtlun hna Mizoram pumah kalpui mek a nih thu a sawi a. Pangzawl Sub Centre sak that na tur NABARD atangin Rs. nuai 39.40 leh Chhipphira Isolation ward sak na tur Rs. nuai 42.30 ruahman tawh a nih thu leh Haulawng leh Mualthuam Health deptt hmun te tichangtlung tura hmalakna mek a nih thu a sawi.
JICA kaltlanga Rs. vaibelchhe 660 project, Mizoram State Cancer Superspeciality Hospital tur pawh DoNER, Ministry of External Affairs, NITI Aayog, leh Ministry of H&FW in phalna a pek tawh thu Health Minister chuan sawiin, bultan thuai a nih tur thu a sawi a. Kawng hrang hranga health infrastructure tihmasawn tura sorkar hmalaknate a sawi bawk.