Pathianni zan khan JIO World Convention Center, Mumbai-ah kum 21 mi Karnakaka nula Sini Shetty chu Femina Miss India World 2022 atan thlan a ni.
Miss India Mizoram Lalramhlui Sailo hi Top 10-ah inhlangkai zo lo mah se, Sub Title Awards-ah ‘Miss Beautiful Skin’ a dawng.
Hmarchhak bial atanga Top 5-a lang awmchhun chu Miss Meghalaya Gargee Nandy niin, beiseiawm taka sawi Miss Nagaland a lang lo.
Femina Miss India World 2022 thlannaah hian Bollywood stars lar tak tak an kalkhawm tha hle a, Miss India thlannaa hnuhma duhawm tak lo nei tawh thin Karnataka state aiawhtu hian lawmpuitu a ngah hle.
Tunge Sini Shetty?
Mumbai-a piang ni mah se, India thlang lama awm Karnakta-a seilian leh inbun nghet a ni a, zirna lamah chuan BA (Finance) niin, tunah hian Chartered Financial Analyst (CFA)-ah profession course a zir mek.
Talent dang a nei em?
Kum 4 mi lek a nih atnaga Indian dance chi hrang hrang zir chho kha a ni a, Bharatanatyam dancer tha taka sawi a ni bawk.
State zingah i tel ber lo
Karnataka state hian tunhma pawh khan beauty queen duhawm leh lar tak tak a lo chherchhuak tawh. Chun’g zingah chuan Lara Dutta, Sarah Jane Dias leh Sandhya Chiba te bakah Nafisa Joseph, Lymaraina D’ Souza te hi a langsar zual an ni bawk.