Nizan a khelh tan tur hmeichhe football inelna lian Euro 2022-ah Spain tan Ballon d'Or dawngtu midfielder Alexia Putellas a khel ve dawn lova. Thawhlehni khan a khup a tihnat thu an sawi.
Spanish football federation chuan Barcelona leh an ram national team captain chuan training-ah a khup a thafei awm a tihnat thu an sawi a. Kum 28 mi hliam hi en nawn lehnghal niin hun rei zawk a chawlh a ngai dawn.
Spain hian Zirtawpni zanah Finland hmachhawnin Euro 2022 hi an khel tan ang.
Ram tana vawi 100 inkhel a goal 27 khung tawh Putellas hi Spain team a player tha ber anga ngaih a ni a, nimahsela Spain squad a chhah. Hetihlai hian tlarhmaah a club teammate leh Spain chanchin a goal khung hnem ber Jennifer Hermoso pawh a tel dawn lo.
Tun season liamta UEFA Women’s Champions League-ah goal 11 khungin top scorer a ni a, Primera Division-ah Barcelona champion pui turin goal 18 a khung bawk.