Hmeichhe member pali awmna K-pop group BLACKPINK chuan August thla hian album thar nen lo kir an tum.
Kum hnih hnu lama band album hmasa ber tur hi an mahni enkawltu YG Entertaiment pawhin an tichiang tawh a, tunah hian a hmawr an bawkchho tawh tih an sawi.
Jisoo, Jennie, Rosé leh Lisa te hian 2016 khan ‘Square’ single album hmangin rimawi khawvel an luhchilh a, 2020 khan ‘The Album’ an tichhuak bawk.
Hemi hnu hian solo lam hawiin an chechhuak hlawm a, Jennie-i’n November 2019 khan solo debut neiin, Rosé-in a zui ve nghal. Nikum khan Lisa-i’n single tichhuak ve in, Jisoo ve thung erawh K-drama ‘Snowdrop’-ah a inlan.