Arsenal, West Ham leh England midfielder hlui Jack Wilshere chuan professional football a chawlhsan thu a puang.
North London club tan vawi 197 inkhelin kum 16 mi leka bul a tan hnuah an tan FA Cup vawi hnih a chawi hman a. England mai ni lo khawvel a midfielder talent nei tha leh nghahhlelh pawl ami a ni hman.
Nimahsela hliamin a tihbuai nasat avangin beisei anga hnuhma ropui erawh a nei hman lova. Kum 2018 a Gunners a chhuahsan hnuah vawi 36 chauh a inkhel leh thei.
Kum 2018 khan West Ham United zawmin an hnenah kum hnih hun hmang mahse vawi 19 chauh a inkhel a. Loan a a lo inchherhriam tawhna Bournemouth a zawm hnuah Denmark-ah AGF Aarhus tan a khel leh bawk.
“Ka football zinkawng in min liamsan hi pawm awlsam lo mahse hun ropui tak tak ka tawng tawh a, ka club hmangaih Arsenal tan ka khel a, kan ram tan World Cup ka khel tawhte hi ka tan vanneihna a ni a, ka duhthusam a ni thin.” tiin a sawi.