Aizawl: Lunglei district transport office-in kumin March atanga June chhunga parking fee atanga an sum hmuh Rs 1,35,000 chu sorkarah an chhung lut.
DTO Office hotute hnen atanga thudawn danin Lungleiah hian public parking place block 22 awmin heng zinga block thenkhat hi auto rickshaw, taxi leh pickup tana ruahman a ni a, heng sumdawnna lirthei, parking block atang leh public parking- block dang atang hian thla khatah a tlangpuiin Rs 33,750 an hmuh thin a, block thenkhat sum thehlut mumal chiah lo pawh an awm bawk.
Parking fee atanga DTO Office Lungleiin sum an hmuhte hi thla tin Directorate Office Aizawlah pek thin a nih thu DTO Office hotute chuan sawiin, hetihlai hian Lunglei khawpui chhunga parking place, block 22 zinga block li chu tender chhangtu an awm lo niin an sawi bawk.