Nottingham Forest chuan Premier League season tha an hman theihna turin an squad an thawm tha chhunzawm zel a. Stuttgart atangin Orel Mangala an lalut.
Kum 24 mi Belgium midfielder hi Forest in player an lakluh 12-na a ni a, Pound maktaduai 12.7 in an lalut.
Mangala hian season liamta khan Bundesliga-ah vawi 29 a inkhel a, March thla a Belgium tana inkhel tura ko a nih hnuah ram tan vawi hnih a inkhel tawh.
Forest hi tun nipuiah an che na a, England international Jesse Lingard chu kum khat daih contract lian tak an pek bakah an club chanchin a player manto ber ni turin Nigeria international Taiwo Awoniyi an lalut tawh a, Liverpool atangin Wales international Neco Williams pawh an lakluh zingah a tel.