Formula 1 world champion vawi hnih ni tawh Fernando Alonso chuan season tharah a team a thlak dawn a. F1-ah kum hnih dang tal la intlansiak turin Aston Martin a zawm.
Kum 41 mi ni tawh Spanish driver hian nikum atang khan French team Alpine a zawm a, Renault an nihlaia a lo champion pui tawh team hi kum hnih chhunga Formula 1 a chhuahsan hnuah a zawm leh a, an hnenah a season hnihna a hmang mek.
Alonso hian tun season zawh a F1 chawhlhsan tur world champion hlui tho Sebastian Vettel chu English team-ah hian a thlak dawn.
“Tlarhma lamah, intlansiak a hnehna chan tuma bei turin chak duhna ka la nei a, hlawhtlin duhna lian tak ka la nei.”
“Tun dinhmunah Aston Martin in chuh thei lo mahse team tha ber nih a, champion nih tumin an tha leh zung leh theihna an seng a, hei vang hian F1 team zinga hmabak beiseiawm tak nei an ni.” tiin a zawm chhan a sawi.
Alonso hian kum hnih contract a ziak a, kum khat ziah belh theihna a nei bawk. Alpine lamin kum khat contract ziahpui a, a kum leha an reserve driver Oscar Piastri lakluh a, Alonso hi an sportscar inelna lama sawn an tum avangin Alonso hian contract a ziah belh lova. Aston Martin sawmna a dawn tak hnuah an no.1 driver nih a thlang ta zawk.