Aizawl : ZPM thalaiin Chalfilh biala Vanbawng sub-centre sak ṭhat mekah thil fel tawk lo a awm nia a lan thu an sawi a. Sum ruahman cheng tam tak a ni chungin a ruhrel leh a ban hlui hman a nih thu leh rod hlui rinawm tawh lo leh chak ṭha tawk tawh lo te pawh hman a nih thu a sawi.
Vanbawng khuaa sub-centre sak chungchangah hian ZPM thalai chuan "Duhdah taka hnathawh hi mipuite thamlohna lian takah kan ngai a, a rang thei ang bera action la turin Health Minister Dr. R. Lalthangliana kan phut" an ti a. Vanbawng sub-centre sak hna thawhah manṭang teltu an awm ngeia an rin thu an sawi bawk.
ZPM thalai chuan sub-centre sak hna hnathawh danah Vanbawng khaw mipui rilru a nat hle laiin bialtu MLA Lalrinliana Sailo chuan a ngawihsan tlat nia sawiin, mak an tih thu an sawi a. "Bialtu MLA hian manṭang a lo tel ve em ni" tih chu an zawhna a nih thu an sawi bawk a ni.