Aizawl : PC party-in Birmingham, England-a Commonwealth Games neiha Weightlifting-a India tana gold medal latu Jeremy Lalrinnunga, Ainawn Ve- ng, Aizawl chhuanawm an tihzia sawiin, “Khawvel hriata Mizo hnam min chawisangtu Mizo tlangval Jeremy Lalrinnunga kal zelna turah duhsakna sang ber kan hlan” an ti.
PC sr. vice president Vanlalruata'n "Sports minister lo ni tawh ṭhin te, infiamna lama pawl hrang hrang thahnemngaia sûl lo su thin te thawhrim rah Zofa ten kan seng chho zel hi a lawmawm" a ti bawk.
BJP thalai pawhin nimin vek khan thuchhuah siamin, Jeremy Lalrinnunga'n an lawm- pui thu leh chhuanawm an tih thu an sawi a. A phu tawk lawmpuina sum pe turin Mizoram sorkar an phut bawk.