AIZAWL: Lawngtlai Bawrhsap Pisa-a file khawihtute tan nimin khan Mizo tawng ziah dan zirhona buatsaih a ni a. Government Lawngtlai college-a Mizo department-a Assistant Professor David H. Zothanpuia’n zirtirna a pe.
Mizo tawng ziah dan zirhona hun kaihhruaitu Lawngtlai district Addl. DC James Miahlung chuan ṭawng chu hnam rohlu pakhat a nih thu leh mahni hnam ṭawng humhalha, chawisana, hman uar zel a pawimawh thu a sawi a. Tawng humhalhna ata- na pawimawh tak pakhat chu a hman dan dik taka hman leh a ziah dan dik taka ziah a nih thu a sawi.
Addl. DC chuan Bawrhsap pisa-a thawk te tan phei chuan lehkha tihchhuah tur reng reng tawngkauchheh dik leh ziah dan dik taka ziah a pawimawh leh zual thu a sawi bawk.
Zirtirna petu David H. Zothanpuia'n Mizo tawng ziah dan chung- changa hriat tur pawimawh hrang hrang, office hnathawhnaa hman nghal theih chi te zirtirin, mahni inzir belh zel theih dan tur kawng a kawhhmuh nghal.
Lawngtlai Bawrhsap Pisa hian a theih ang angin ṭawng humhalh kawngah hma an la a. Mipui hriattirna leh thupek ang chi te chu a theih chin chinah Mizo version leh Lai version bakah English version tein an tichhuak ṭhin bawk a ni.