Nimin khan Salman Khan chu Toyota Land Cruiser SUV changkang tak, silai mu kah tlang theih loh tura duan ni bawk, cheng vaibelchhe 1.5 man nen hmuh a ni.
Bollywood actor hi tunhnai khan thaha vauna dawn vanga a inven nan silai hman phalsak a ni a, Mumbai-a CP office atangin silai license an pechhuak.
Punjabi zathiam lar Sidhu Moose Wala chu May 29, 2022 a kahhlum a nih hnu lawk khan an pafa hian thaha vauna an dawng zui nghal a, lehkha an hnutchhiahah G.B leh L.B tih a awm a.
Hei hi gang hotu lar leh hriathlawh tak tak pahynih Lawrence Bishnoi leh Goldy Brar te hming lam tawi ni ngeia ngaih a nih vangin Salman Khan chenna In leh a chhehvelah venhimna khauh zawk kalpui a ni.