Andhra Pradesh sorkar chuan Nilaini khan Anakapalle district-a puan siamna hmuna boruak him lo put chu chhui chiang tura tihna thupek a chhuah a. He thil thlengah hian mi za chuang damdawi inah an awm phah.
Andhra Pradesh Industries Minister Gudivada Amarnath chuan chhuina tur thupek siam a nih thu hi puangin company pawh chhui a nih chhung khar a ni dawn tih a sawi a. Thla hnih chhunga boruak him lo put vawi hnih a thlenna a ni tih a sawi bawk.
Puan siamna hmuna thawk hmeichhe 121 chu Anakapalle district-a damdawi in hrang hrangah enkawl an ni.
June thla khan Visakhapatnam district-a Atchutapuram-ah pawh laboratory-a boruak him lo put avangin hmeichhe hnathawk mi 178 chuang chu damdawi inah an lo awm tawh a, sorkar chuan joint committee dinin a chhuitir a. Air conditioning gas put vang niin an hria.
Tun tum thil thleng chungchangah hian minister boruak him lo put ber hi eng nge an la hre lo va, police leh pollution control board team-in an chhui mek tih a sawi.
Vishakhapatnam district thuneitute chuan mi 53 chu sorkar damdawi inah enkawl an ni a, mi 41 chu district chhung damdawi in dangah dah an ni tih a sawi.
Amarnath chuan damlote sample-te hi Indian Council of Medical Research (ICMR)-ah endik turin thawn a ni tih a sawi.
Anakapalle District Medical & Health Officer Hemanth chuan damlo tam zawk hian thawk harsa an ti a, an lu a hai a, an luak bawk tih a sawi.
Thawhlehni khan thawktu mi 50 chuang chu boruak him lo an hip vang ni ngeia hriatin an damloh avangin damdawi inah hruai an ni a, thawktu dangte pawh an chiai hle a ni.