Aizawl: Chief Secretary Dr Renu Sharma hoa district hrang hrang bawrhsapte thukhawm chuan India Independence kum 75-a tlin lawmna kal meka in tina hnam puan zar pharh/Zar Har Ghar Tiranga chu mipuiten ngai pawimawha zawm theuh turin an ngen.
Thutkhawmah hian Chief Secretary Dr Sharma chuan district hrang hrang bawrhsapte chu India Independence kum 75-na tlin lawmna programme hrang hrang kal mekte chu a hun taka tihlawhtling tur leh rang taka hma la theuh turin a hriattir a. In tina Hnam Puan zar pharh/Zar Har Ghar Tiranga chu mipuite ngai pawimawha zawm theuh turin a ngen bawk.
AKAM hnuaia Har Ghar Tiranga hmalakna leh ruahmanna kal mekte bakah Mizoram chhunga Covid-19 hri danna kalpui mek dinhmun leh Jal Jeevan Mission hnuaia hma laknaah district-ten harsatna an neih bawrhsap tinten report an pekte chu sawiho niin, heng harsatna chin fel dan pawh hrilhhriat an ni.
Chief secretary hi Navin Kumar Choudhury, IAS, Principal Secretary, GAD; Principal Secretary H&FW; Secretary, Art & Culture; Secretary, PHE leh Secretary, I &PR bakah Mission Director, NHM ten an tawiawm.