Hollywood star lar ber an tih mek Tom Cruise hian kumin ngeia billionaire nih theihina remchan a nei zau hle a, kum 60 mi niin billionaire a ni thut thei.
Top Gun: Maverick leh Misson: Impossible film te atang ringawt pawh hian sum a lakluh tam dan tur hi a hriat theih ai awm e.
Film chang tura sawm a nih tawh chuan a hlawh turah insen tam emaw insen huai a ngai viau mai a, kum 40 chhung zet Hollywood-ah A-list star a ni thei reng pawh hian sum a hailut tam dan tur ngaihtuah buai a ngai lo.
Forbes leh Celebrity Net Worth tarlan danin, Tom Cruise hausakna hi dollar maktaduai 600 chuang a ni daih tawh a, filmstar zinga hause ber pawl a tling.
A channa film zawng zawng hian khawvelpumah dollar billion 9 aia tam mah an lalut tawh a, tun thlenga a channa film sum lalut hnem ber chu ‘Mission: Impossible – Fallout (2018) niin, box office-ah $Maktaduai 791 a hmuchhuak.