AZL: Nilaini khan Aizawl atanga Rawpuichhip pan Santro car MZ-08-4501 chu Phunchawng Melkua a chesual a, a khalhtu a thi.
Thudawn danin Rawpuichhip Middle School headmaster H.Lalkhawliana (62) s/o Vanngenga(L) chuan a car Santro-in Aizawl atangin Rawpuichhip a pan a, chawhnu dar 1 bawr vel khan Phunchawng Melkuaah kawng thlangah tlan liamin, metre 150 vel a lum a; lirthei hi a chhe hneh hle a ni.
Lalkhawliana hian a carah hian mi pali vel an chuang niin amah tanpuitu mi tlawmngaite hnenah hian a sawi a, an tlan liamna atanga car lum tawpna, thlang lam leh a chhehvelte theihtawpa an dap hnuah mi dang tumah hmuh an nei lo thung.
Lirthei khalhtu hi mi tlawmngaiten an lak chhuah tirh chuan a la thi lo a, Civil Hospital, Aizawl thlenpui a nih hnuah a thi a ni.