Manipur atanga Assam lama ruihhlo tawlh rutute chuan LPG tanker pawh an hmang tangkai zel tih hriat chhuah niin man an ni.
Thu an dawn bawhzuiin CGST Tinsukia Division-a thawktute leh Customs (Preventive) unit, Tinsukia leh Dibrugarh tangho chuan Tinsukia Bypass-ah LPG tanker atangin heroin tha chi gram 219 an man.
LPG tanker hi MN 01AA-1112 a ni a, Imphal atanga Gopanary LPG Bottling plant, Makum, Tinsukia district pana tlan a ni.
Tinsukia Bypass-ah Pathianni zan khan lo tihdin a ni a, uluk taka an dap hnuah an man chhuak a ni.
Heroin an mante hi a tha chi a ni a, sahbawn funna 20-ah fun a ni a, polythene langtlang theia fun a ni a, a phurhna lirthei pawh man nghal a ni bawk.
A khalhtu leh a puitu pawh man an ni a, thu zawh fiah zui mek an ni.
Ruihhlo man hi Rs Vaibelchhe 1.52 man vel niin thuneitute chuan an sawi.