India ramah darkar 24 liam ta chhungin mi 17,135-in coronavirus an kai tih hmuh chhuah leh hman niin mi 4,40,67,144-in an kai ta a. A kai enkawl lai erawh a tlem zawka kal leh hret hretin mi 1,37,057 an la awm tih union health ministry chuan a tar lang.
Darkar 24 liam ta chhung hian mi 47-in COVID-19 hi thihpui leh hmanin mi 5,26,477-in India-ah hian an thihpui tawh a ni.
A kai hmuh chhuah tawh zawng zawng atanga chhutin enkawl lai hi 0.31% an la ni mek a, 98.49% erawh enkawl dam an ni leh tawh tih ministry chuan a sawi.
Darkar 24 liam ta chhung hian a kai hmuh thar aia enkawl dam an tam zawk avangin enkawl lai hi mi 2,735-in an tlahniam leh hman a ni.
Darkar 24 liam ta chhunga sample endik zinga 3.69% chuan hri an kai tih hmuh chhuah niin chawlhkar khat liam ta chhunga endik zinga 4.67%-in an kai bawk.
Invenna pek mek zelah vaccine dose vaibelchhe 204.84 pek a ni tawh.