Aizawl: Power & Electric Department chuan mipuite tan online-a electric bill pek theihin siam fel tawhin inbumna awm thei laka fimkhur turin mipuite an chah.
F.Lalrinpuia, E-in-C, P&E-in hriattirna a chhuahah BBPS agent - GooglePay (GPay), PhonePe, PayTM, BHIM etc. hmangin bill hi pek theih a ni tih tar lan a ni.
Mipuite bum tuma SMS hmanga thu theh darh leh WhatsApp-ah pawisa pekna tur link dil an awm thin a. Hei hi department atanga tihchuah a nih ngai loh avangin mipuite fimkhur turin an hriattir.
SMS dawnna number block tur leh pawisa pekna tur link an thawnah lut lo turin leh a thawntu number hi department-a thawktu hnenah hriattir turin an ngen.
Online-a bill pekte a luh leh luh loh en nan bank transaction detail mamawh thin a ni tih an sawi bawk.