BWT Alpine F1 Team chuan an reserve driver ni lai Oscar Piastri chu nakkum a an driver tur a nih thu puang mahse Australian driver hian season tharah Fernando Alonso a thlak dawn lo tih a sawi.
Thawhlehni khan French team hian kum 21 mi hian inremna an lo neih tawh sa angin season tharah an car a khalh tur thu an puang a. Mahse Piastri hian social media kaltlangin Thawhlehni zanah khan kum 2023 atan Alpine-ah contract a ziak lova, tun dinhmunah nakkumah an tan a inlan dawn lo tih a sawi.
Alpine thupuan chu a dik lova, inremna an nei lo tih chiang takin a sawi bawk a ni.
Kum 2021 Formula 2 champion chungchangah hian Alpine chuan, “Kan thuchhuah kha inremna awm angah chuan dik lohna a awm lo, a bak erawh sawi belh tur kan nei rih lo.” tiin Piastri a tawng hnuah an sawifiah ve nghal.
Piastri hi tunhnaiah McLaren nen pawh an indawr niin an sawi bawk.