Aizawl : Aizawl district level committee on pradhan mantri jan vikas karyakram(PMJVK) chu he scheme hnuaia project duanchhin te endikin ni- min khan Aizawl Bawrhsap Dr Lalhriatzuali Ralte hovin an thukhawm.
Proposal thehluh tawh te enhovin, siamthat ngai lai te an sawiho a. An thu rel te chu vawiina state level committee thutkhawm neih turah an thlen thlen dawn a ni. PMJVK scheme hnuaiah hian hnam tlem zawk (minority) te Education, Health leh Skill development lama tihhmasawn hna thawh thin niin, District level committee-ah hian line department-a district level head te bakah Lok Sabha leh Rajya Sabha MP te pawh member an ni.
Aizawl Bawrhsap ch- uan PMJVK chu scheme tha tak, tunhma lamah pawh Mizorama district pathum vela lo kalpui tawh thin a nih thu sawiin, he scheme hnuaia hmalaknate chu NITI Aayog-in a zirchian hnua tha a tih avanga kalpui chhunzawm tur a nih thu a sawi a. He scheme hnuaiah hian Aizawl district pawh a tel tawh thu leh central atanga hriattirna hmuh a nih anga line department te chu hmanhmawh taka proposal te siam tura nawr an nih thu a sawi bawk.