US-a Democrats hruaitu lawkin Taiwan a tlawh hi nasa taka lo lawm a ni a, China-in a duh lo hle a, US-ah pawh ngaihdan a inang bik chuang lo.
White House chuan Polisi-i’n Taiwan a tlawh hi tul a ti lo va, President Joe Biden chuan sipai chet chhuahna a thleng chu ‘thil tha a ni lo’ a ti.
Mi thenkhat chuan Pelosi-i zin chhuak hian China a tithinrim a, Russia hnenah Ukraine an rin meknaa hman tur ralthuam a pek phah an ring hial a, chu chu tunah pawh a thleng tana ngaih theih a ni.
President pisa meuh pawhin thlawp lo mah se thlawptu erawh a nei ve teuh tho va, an party ni lo, Republican senator 26 zetin Taiwan a tlawh chu an thlawp tih ziakin an lantir.
Lehkhaah hian Senate minority leader Mitch McConnell pawhin a hming a ziah hnan a, “Kum tam tak liam ta chhungin United States Congress member-ten an lo tlawh tawh thin a, House Speaker lo ni tawh thinte pawh Taiwan-ah hian an zin,” an ti.