West Ham United chuan an midfield luahlum turin Lille midfielder Amadou Onana chu Euro maktaduai 40 in an lalut dawn.
Hammers hian Europe huap inelna an khelh dawn avangin an squad thuam that lehzual an duh a. Manager David Moyes chuan kum 20 mi midfielder hi a duh a, a manah inremna an neihlaiin contract erawh an la tifel lo.
Hammers hian ani bakah Burnley forward Maxwel Cornet chu lakluh an duh a, season liamta khan kum 25 mi hian game 26 atangin goal 9 a khung.
Feet 6 leh inches 4 a sang Onana defensive midfielder palian a ni a, nimahsela ball a khawih thiam avangin midfield-ah pawh nawr hma theih a ni thin.
Kum 20 mi hi Belgium a academy hrang hranga a inzir hnuah Hoffenheim-ah kum 16 a nih a kalin a inchher hriam a. Hamburg a bul a tan hnuah nikum khan Lille hian lalutin an tan match 41 khelin a tangkai nghal hle.