Google-in playstore atanga thil tha lo, hlauhawm thei app hrang hrang a dang buai chungin intatlut an awm ve reng tho. Tun tumah pawh McAfee security team chuan Google Play Store-ah app hlauhawm tak tak a la tam mai nia sawiin, advertisement tam tak nena inthuam mek app hlauhawm 13 te laka fimkhur turin a chah.
Google Play store-a awm heng app 13 te hi a tlangpuin cleaning apps an ni a, install a nih chiah khan heng app te hian phone-ah ninawm khawpin advertistment an vawmlut tup tup nghal a, app windows te kharsakin, display-ah notification ninawm tham an barhlut zung zung a, shortcuts te siamin, website makpui pui an hawntir nghal sup sup thin.
App thenkhatte chu an hming leh icon te a inthlak danglam a, zawn hmuh a harsa in, phone atanga paihchhuah te pawh a awl lo hle.
Google hian app thahnem tak a khar tawh a, download tawh in awm a nih chuan a rang thei ang bera paihchhuah a tha khawp ang.
Google Play store-a app hlauhawm 13 tarlan te:
Junk Cleaner – 1M+ downloads EasyCleaner – 100K+ downloads Power Doctor – 500K+ downloads Super Clean – 500K+ downloads
Full Clean – 1M+ downloads
Fingertip Cleaner – 500K+ downloads
Quick Cleaner – 1M+ downloads Keep Clean – 1M+ downloads
Windy Clean – 500K+ downloads Carpet Clean – 100K+ downloads Cool Clean – 500K+ downloads Strong Clean – 500K+ downloads Meteor Clean – 100K+ downloads