Aamir Khan film tihchhuah tur, ‘Laal Singh Chaddha’ chu boycott ngei tura ngenna a rik mek laiin, Alia Bhatt channa film thar, ‘Darlings’ pawh In chhungkhura tharum thawhna chawilar tumnaah puhin August 5-a Netflix-a tlangzarh tur hi boycott tura ngenne leh sawmna a ri ring sawt hle.
He film-ah hian Bhatt hi a changtu a ni mai lova, producer a nih tel bawk avangin beihna leh diriamna pawh a tawk chho mawlh mawlh mai.
Social media lamah a inlan dan te vawrh lar a nih bakah he film-a a pasal Vijay Varma kut a thlak dan leh sawisak dan te pholan a ni bawk.
Hripui vanga kum hnih dawn Bollywood film-in ngai a awh tak tak theih loh hnu-ah kumin kumtir khan film pathum-li vel an chetha deuh tih loh chu film dangin ngai an awh lo bakah an tlachhe nasa hle a, boycott boruak ri ve deuh reng bawk nen, filmstar te tan khua a var hlei thei lo.