Meghalaya chief minister hlui, tuna eptu hruaitu ni mek, Mukul Sangma chuan tuna an state-a sorkar an hrawn mek chuan Assam ramria buaina an neih mekna hmuna chengte harsatna tawkte chu a ngaihsak tha tawk lo a tih thu a sawi.
Assam Chief Minister Himanta Biswa Sarma-an a sawi, ‘pek leh lak policy’ chungchang chu Sangma chuan sawiin, state pahnihten ramria buaina an neih chu Meghalaya-a mipuite lungawina zana chin fel tur a nih thu a sawi.
Sangma hian Thawhlehnia Meghalaya Congress Legislature Party an thutkhawm hnuah Assam nena ramria an buaina chungchang hi a sawi chhuak.
CLP thutkhawmah pawh hian kum rei tak liam tawha Assam leh Meghalaya ramri chungchanga buaina chungchang hi an sawiho nghe nghe.
Ramria buaina chungchangah hian Meghalaya Chief Minister Conrad Sangma chuan Assam Chief Minister Sarma hi Zirtawpniah Guwahati-ah hmuin an sawi dun dawn.
Hemi hma hian Assam chief minister hian rei tak an lo buai tawhna ching fel turin Assam leh Meghalaya chu ‘pek leh lak policy’ kalpui turin an inpeih ve ve tawh tih a lo sawi tawh.