German champion Bayern Munich in first half-ah goal nga an khung a. Second half-ah pawh khung belh leh thovin Bundesliga season thara inkhel hmasa berah Eintracht Frankfurt 6-1 in an sawp.
Deutsche Bank Park-ah tun season a league-ah a zawna vawi 11 champion tum Bayern Munich in Europa League champion lai hi an thunun hneh hle a. Forward thar Sadio Mane pawhin goal a khung.
Bayern tan Joshua Kimmich chuan minute 5-naah freekick a khung a, minute 10-ah Benjamin Pavard chuan khung belhin minute 29-naah Sadio Mane chuan goal a khung a. Minute 35-na leh 43-naah Jamal Musiala leh Serge Gnabry ten goal an khung belh a. Second half-ah Musiala in goal a khung nawn.
Bayern coach Julian Nagelsmann chuan, “First half kha a tha tak zet, mahse match hnih vel kan han khel anga, khatiang ang kha chu a thleng fo lovang, mahse match hnih chauh hnuah chuan thil lawmawm tak a ni.” a ti.
Inrinni zan inkhel dangah Borussia Dortmund in an mikhual Bayer Leverkusen chu Marco Reus-a goal khung hmangin 1-0 in an hneh.