India ramah darkar 24 liam ta chhungin coronavirus kai mi 19,406 hmuh chhuah niin mi 4,41,26,994-in an kai ta a, hri kai enkawl lai hi mi 1,34,793 an la awm mek tih union health ministry chuan a sawi.
Darkar 24 liam ta chhung hian mi 49-in hri leng hi thihpui leh hmanin mi 5,26,649-in an thihpui ta a, heng zinga 11 hi Kerala-a mite an ni.
Hri kai hmuh tawh zawng zawng atanga chhutin enkawl lai hi 0.31% an ni mek a, 98.50% erawh enkawl dam leh an ni tawh tih ministry chuan a sawi.
Hri kai enkawl lai hi darkar 24 liam ta chhungin mi 571-in an tlahniam leh hman a ni.
Darkar 24 liam ta chhung hian sample endik zinga 4.96% chuan hri an kai tih hmuh niin chawlhkar khat liam ta chhunga endik zinga 4.63%-in an kai bawk.
Hri kai zinga mi 4,34,65,552 chu enkawl dam tawh leh tawh niin 1.19%-in an thihpui.
Darkar 24 liam ta chhunga thi zingah Maharashtra leh West Bengal-ah mi panga ve ve an awm a. Chhattisgarh-ah pathum; Delhi, Gujarat, Himachal Pradesh, Jammu & Kashmir, Rajasthan leh Tripura-ah pahnih theuh an thi bawk.