Azl: Mizo Hmeichhe Insuihkhawm Pawl (MHIP) General Hqrs chuan Sihhmui lei bula lirtheia chesual pafa, Lalfakzuala Chenkual leh Malsawmkima te chin hriat loha awm mek zawngtute hnenah tanpuina Rs 10,000 an hlan.
Inrinni khan President Ngurmawii Sailo hoin MHIP hruaitute chuan Sihhmui kai, Sairang balu kai leh Buichali leia lirtheia chetsualna avanga pafa chin hriat loha awm mekte zawn hna tlawmngaia thawkchhuakte awmna hmun an tlawh a ni.
Mi thenkhatin Mizote tlawmngaihna dal tawh anga an sawi thin hi thu dik tawk lo a ni tih sawiin MHIP President Ngurmawii Sailo chuan, “He vanduaina atang pawh hian Mizote tlawmngaihna hi a la dal lo a, YMA, nula tlangval, khawtlang nu leh pate hian Mizo tlawmngaihna dik tak an la vawng nung reng a. Mizote Mizona leh tlawmngaihna hi lo par vul zel rawh se,” tiin, chhiat tawk chhungte chu MHIP-in thinlung taka an lainatzia sawiin, Pathianin awmpui reng tura a duh thu a sawi a ni.