Kerala-a police chuan movie tihchhuah tur thehlarna (teaser) pakhatin inhnialna nasa tak a siam avanga chhui zuiin dan anga hma lak dan an dap mek.
The Kerala Story tih movie chhuak tur teaser-ah hian a changtunu chuan a chan dan (character) chu Kerala atanga Islamic firfiaka inpe hmeichhe 32,000 zinga pakhat ang a nih thu a sawi a ni.
Politician thenkhat chuan he film chhuak tur hi an state-a khap turin an kar mek.
Chanchinbumi pakhatin chief minister hnenah chhui chiang tura ngenna a thlen bawk.
Chief minister pisa hian Arvindakshan BR lehkhathawn hi police hnenah an thawn chhawng.
“Chhui zui nghal a ni a. Eng ang chiaha kalpui theih nge tih hriat tumin dan tlawhchhan tur zawn mek a ni,” tiin Thiruvananthapuram Police Commissioner Sparjan Kumar chuan a sawi.
Teaser-ah hian burkha-a intuam hmeichhe pakhat, Shalini Unnikrishnan-i chuan nurse nih a duh thu a sawi.
“Tunah chuan Fatima Ba ka ni ta zawk a, IS firfiak, Afghanistan-a lung in tang ka ni,” a ti a. “Keimah ang bawk hian hmeichhe 32,000 rual chuan firfiak pawl zawmin Syria leh Yemen-ah phum bo an ni,” a ti.
“Kerala-ah hmeichhe pangngaite zawm ve tura infiamna hlauhawm khelh a ni a, kawng zau taka hawn a la ni,” a ti.
Teaser hi YouTube-ah ni ruk chhungin vawi 4,40,000 chuan en a ni tawh a, fakna leh selna a dawng tam hle.
A changtunu, Adah Sharma-i chuan Twiiter-ah teaser hi dahin ‘#TrueStory’ a ti a. Film producer, Vipul Shah erawh chuan chanchinbumite biak tumna a chhang lo rih.
Chanchinbumi, Arvindakshan chuan BBC hnenah chhui chian a phut tih a sawi a, film siamtute chu an teaser avanga thinrimna a awm avangin an tihlante finfiahna phawrh turin a phut bawk.
“Tlem azawng chu an awm ngei ang a; mahse, 32,000 chu a ni thei em em lo,” a ti.