Engvanga ‘sex’-a hlim lo nge in nih?

chhan hrang hrang Nau pai vangte, rilruhah, sum leh pai harsat vangte hian pasal te lakah an inkiltawih a, an duhna tihhlawhtlin an harsat hle thin.

Nupa inkarah tharum hmanna emaw tawngkam na tak taka inbeihnate hian a khawih pawi thei hle bawk. Rilruhah benvawn, hlauhthawnna, thawpikna leh thiam lo nia inhriatna te pawh hian nupa nunhlimna a tibuai nasa hle.

Sex chungchanga thil hre lo lutuk leh bangbo lutukna hian nghawng tha lo a thlen rang hle a, nupa inkara inzawmna leh inkungkaihna chau ve ang tak pawhin pawi a khawih thui hle bawk.

Serh ro (vaginal dryness) hi ‘estrogen’ lo tlahniam sawina a ni a, hei hian taksaa, ‘hormone’ rualkhai lohna a thlen nasa hle a, dam lohna ang chi hrang hrang a awm bawk chuan, in ‘fit’ ngaihna a awm lo.

Natna inkaichhawn theih vangte, chhan hrang hrang vangte’n serh luhkâ tawt lutuk vanga harsatna, ‘Vaginismus’ hi buaipui tham a tling a, inpawl hlimna chu khawi lamah!

STD natna chi hrang hrang: gonorrhoea, herpes, genital wards, chlamydia leh syphilis te hian buaina an siam nasa hle a, na ngawih ngawih leh nawm lohna tam tak a thlen.

Serh leh a vel-a sa huam huam leh thip deuh vang vangte a awm hian hlimna kawl a eng thei lo. Hei hi enfiah a, A rang lama enkawlna lak vat tur a ni ang.

Pelvic inflammatory disease an tih pawh hian serh-a natna lo awma kha kumkuruh leh chhul-ah te thlenga nghawng a thlen avangin a na em em a, sex hman ngaihna a awm hlei thei lo bawk.

Chauh hluah hluahna leh hah ngawih ngawihna te hian hmeichhe duhthusam a tihhlawhtlin sak loh phah fo.

Natna khirh tak tak-

Zunthlum, lung na, thin na leh Kal (kidney) na te hian duhthusam dinhmun chuankaina tur a dang hneh hle.

Cancer enkawlna te, cancer hrim hrim mai pawh hian rilru a tibuai a, thathona a umkiang duak duak thin.

Thluak lam chian lohna pawh hi hlim lohna lian tak thlentu a ni bawk.

Thathona tihah hian, serh leh a bawr vela thisen luanglut tha tak sawina a ni a, chutih laiin, thisen luanglut a tlem chuan harsatna a awm nghal mai a ni.

Taksa chak lohna avanga tisa châkna a hniam hle a nih chuan, ‘hormone’ rualkhai loh vang a ni fo.

Thihul (menopause) vanga ‘estrogen’ hloh a nih tak zelnaah hmeichhe châkna leh a thawh dan hrim rim pawh hi a danglam lo thei lova, vanglai ang zek zawka chet a harsa ta tih chu hairual a ni tawh lova, chu chuan he thil buaipui peih vak tawh lohna pawh a hring nghal.

Cancer enkawlna atana, ‘radiation therapy’ hman a nih hian serh timawmtu khan a nghawng a tuar hle bawk.

Engemaw chhan hrang hrang vanga hlauhthawnna neih te, inthiam lohna neih te, inthlahrunna leh inkiltawihna te hian boruak a vaw chhe hneh hle a, duhthusam ram chuankai theih a ni ngai lo.

Tunhma lama tawnhriat duhawm loh tak avangin mi tam tak chuan sex hi thil pangngai leh kawppuite nena induhsak tawnna leh, intihhlim tawnna angah an ngai tawh lo fova, chu chuan nupa nun a tinghing lawih lawih tawh mai thin a ni.

Pasalte pawh hian mawhphurhna tam tak an neih rual hian, harsatna an nei ve thei thova. Entirnan, ‘pa’ tawk lohna, châk lohna a lo awm a, amaha tisa châkna phuhhruk tum mai mai thinte anih bawk chuan, nupui tan beisei a bo hle thin a, hei hi thil pawi tak a ni reng a ni.

Leave a Reply

Your email address will not be published. Required fields are marked *

error: Content is protected !!