FIFA World cup khuhhawnnaa inlan Hollywood veteran Morgan Freeman chuan mi tam tak tithinrimin, an lungawi lo hle.
Qatar khawpuia inlan kum 85 mi hian Al-Bayt Stadium, Doha-a a khuhhawnna pawimawhah inlanin, “Hnam lian tak pakhat angin helai hmunah kan pungkhawm a, khawvel hi kan zavaia chenna Puan in lian tak a ni,” tiin mipui lam hawiin a sawi.
Kumin World Cup hi a tir phat atang khan sawi leh sel kai nghalin, a thlengtu Qatar sorkar tan pawha mualphothlak leh thinrimthlak tak ak a tam hle. Mihring dikna leh chanvo nas taka rahbehna leh palzutna rama sawi niin, khawvel hmaah a mualpho.
Hetih lai karah Freeman a inlan hi fan te ngei ngei pawhin social media kaltlangin an lungawi lohna leh thinrimna an hrithla.
Comment pakhatah chuan, “Morgan Freeman hi zak rawh se! Engzat nge an pek che? Hnam tlem zawkte thlavang hauhin vawikhatmah ‘aw’ chhuah tawh suh ang. Heti ang sawi theihna remchanna i hloh tawh,” tih a ni.