Street Campaign huaihawt

Lunglei District Election Officer buatsaihin nimin khan Special Summary Revision 2023 Street Campaign neih a ni a. H. Lalramenga, SDC, Lunglei leh election thawktu dangten kalpuiin Lunglei chhung hmun lun lai – Serkawn Hospital bul, Kikawn Bazar, Bazar Veng, AOC-ah te leh 3 Gate-te an tuam chhuak.

Special Summary Revision Street Campaign-ah hian mipuite tana hriat tur thil puan niin electoral roll-a hming ziah luh, insawn, hming paih leh siam that ngai siam that hun hawn mek a nih thu puan a ni a. Kum tling tharte tan electoral roll-a inziah luhna hun hawn mek a nih bakah kum 18 tling tawh, roll-a la chuang lote tan pawh inziah luhna hun hawn mek a ni bawk a. Kum 2023 October 1 thlenga kum 18 tling turte tan roll-a in ziah luh hi a dil lawk theih a ni.

Mahni awmna veng Booth Level Officer (BLO) kaltlanga a dil theih bakah Voter Helpline App atang pawhin a dil theih a. Dilna theh luh hun hi December 8, 2022 thleng hawn a ni.

Leave a Reply

Your email address will not be published. Required fields are marked *

error: Content is protected !!