French champion Paris Saint-Germain chu tun season a vawi hnihna atan an khingpui lakah an tlawm a. Pathianni zanah Stade Rennais in 1-0 in an lo hneh.
Roazhon Park-ah hian Rennes in an club record ni turin an mualah a zawnin vawi 9 hnehna an channa a ni a. PSG in league a hma an hruaina hi point thumah a tla thla thung.
Second half-ah Hamari Traoré chuan inkhela goal awmchhun a khung a. Adrien Truffert-a ball pass chu a pet lut mawi.
PSG in bench-ah French star Kylian Mbappe an dah tawh a. Tlarhmaah Lionel Messi leh Neymar te khelhtir mahse inkhelah inhliam midfielder Marco Verratti awm loh an tuar. Kum 16 mi Warren Zaire-Emery chu Ligue 1 inkhela PSG player naupang ber ni turin bul tan tir a ni a. Nghawng erawh a nei thui lo.
An goalkeeper Gianluigi Donnarumma chuan first half-ah Arnaud Kalimuendo goal khung tur a dan hnuah Lovro Majer goal khung tur a dang leh bawk.
Second half-ah Christophe Galtier-a’n Hugo Ekitike la chhuakin Mbappe a dah lut a, mahse awmzia nei chuang lovin Rennes zawkin goal an khung.