Liverpool manager Jurgen Klopp chuan chhuak tura an ti a nih loh chuan club a chhuahsan dawn lo tih a sawi.
German coach hnuaiah hian tunhnaiah Liverpool an che chhia a. Premier League-ah pakuana niin a sang pali dinhmun chu point 10 laiin an pha lo mek.
Klopp chuan, “Manager hi an thlak a nih loh chuan thil dang tam tak thlak tur a ni. Chuvangin keima chungchang bikah chuan chhuak tura min ti a nih loh chuan chhuah tumna ka nei lo.” a ti a.
“Hei vang hian kan hmalam hunah thil thlak danglam vak hun kan nei dawn pawh a ni mai thei. Hei chu kan la hre chho zel ang. Amaherawhchu tun hi chutiang ngaihtuahna hun a la ni lova, nipui velah kan team kan thlirlet ang.”
“Hengte ngaihtuah hun hi chu kan la nei ang, tunah chuan football tha zawk khelh tuma kan beih a ngai.” tiin a sawi.