Sony Walkman thatzia leh lunglenthlakzia tem tawhte tan chanchin lawmawm a lo thleng e. Model thar hlak NW-ZX707 leh NW-A306 te chu sound tha elkhen bik nen tlangzarh an ni.
Hi-res streming player nena lo kirleh Sony Walkman hi khawvelin 1979 kuma a hmelhriat khan kumkhat lek chhungin nuai 5 chuang hralhchhuah a ni a, music ken kual theih hmatheh a nih miau avangin a hun laia thalaite lawmhlawh leh inchuhrawn a ni chiang hle a, model hrang hrangte nen Sony Walkman hralhhchuah hi maktaduai 400 chuang a ni hial.
Kum 2010 khan khawvel thiamna inher danglam zelah Sony Walkman tihtawp a ni zui a, rimawi ngainatute’n mittui nen an mangtha hnu-ah rimawi khawvel inher danglam vekah nikum 2022 khan US-ah cassette hralhchhuah nasa taka pung chho mek thlirin, Wlakman pawh hi hi-res streaming player anga chhawpchhuah a ni ta.
Sony chuan model thar pahnihte hian ‘evolutionary sound’ an pechhuak thei tih sawichiangin, ngaithlatute hian Wi-Fi kaltlangin an duhzawng hla leh music an download thei dawn niin, a tarlang bawk.