Tibet chhimchhak lam, Nyingchi khawpui bula Thawhlehni zana leiverh chhuahna bul lawka vur tawlh thut vangin mi pariat vel an thi.
Chhanchhuah hna thawktu zinga mi, tual chhung mi pakhat chuan vur tawlh hian car pawh eng emaw zat a hnawl let remrum a, kawngpui pawh vurin a khuh vek niin tual chhung chanchinbute hnenah a sawi.
Mi eng zat chiah nge chin hriat lohva la awm hriat a ni lo va. Chhanchhuah hna thawktu mi 100 chuangin khawl lian 30 hmangin an hai mek.
Tlangram hmunah hian tuna mi ang chi vur tawlh thut liam tham tak tak hi a lo thleng fo tawh thin.
Tun tuma mi hi Mainling county-a Pai khua leh Medog county kalpawhna kawngpuiah a ni a, hmun kilkhawr, China khawthlang lama Buddhist region bul mai a ni.
Nu pakhat chuan Hongxin News hnenah a pasal pawh chin hriat a la ni lo tih a sawi a. Thlawhna tumhmun pan mek niin Lunar New Year lawm tura thlawk haw tur a nih thu a sawi.
Chhiatna thlenna hmun hi tuipui zawl atanga metre 3,100 vela sang a ni a, Nyingchi hi khualzinte tlawh tam tak hmun a ni.
October khan India hmar lama mountaineering expedition neih laiin Mount Draupadi ka Danda-ah vur tawlh thut hian mi 26 vel a lo chhilh hlum tawh bawk.