Premier League a beisei anga season hmang lo mek West Ham United chuan Aston Villa striker Danny Ings chu lakluh tumin a club an dawr a. Inremna an nei tawh a, a insawnna an tifel thuai dawn.
Tun season-ah West Ham hi league a goal khung tlem ber dawttu niin goal 15 chiah an khung a. Hei vang hian manager David Moyes chuan striker hriam a duh.
Ings hian Villa-ah hian kum 2024 thleng contract a nei a. Kum 30 mi manah hian Pound maktaduai 15 vel an seng dawn niin chanchinbu mi thenkhatin an sawi.
Ings hian tun season-ah league goal ruk a khung tawh a. Hammers striker pahnih Michail Antonio leh Gianluca Scamacca te goal khung belhkhawm aiin goal khatin a khung hnem zawk.