Siaha bialtu MLA Dr. K. Beichhua-a’n nimin khan a biala Amotlah tlangdung a tlawh a. Khaw pali – Riasikah, Amotlah, Thiahra leh Tipi Ferry khua te tlawhin, khawtlang hruaitute nen an inkawmnaah Minister of State atanga ban a nih chungchangah tu lakahmah a vui loh thu te, a chunga thil thleng chu a politics kalkawnga kawng thar leh kawng éng zawk Pathianin a hawnsakna tura a ngaih thu te a sawi.
Siaha bialtu MLA hian Amotlah khua a tlawhnaah MTP Sub-Headquarters Information Centre sakna atan MLA fund atangin Rs nuai 5 a pe a, Thiahra atanga South Lungpher panna kawng, Link road siam thatna turin MLA fund atang bawkin Rs cheng nuai 1 a pe bawk.