Ser tui
Ser tui (lemon juice/ limbu tui) hi mithiam ten an zirchianna ah chuan vun tih ngo theihna property a nei a, vun hi natural takin a bleach thei ani. Chu mai bakah chuan AHA a pai tel a, chu chuan natural takin i vun chung lang a vun thi te kha a tifai thei bawk. Ser tui kha tui thianghlim nen a inzat chiahin pawlh la, i hmai, nghawng, awm, ban leh hmun dang ngo tura i duh laiah kha lapuain i hnawih mai dawn ani.
Minute 20 i chiah hnuah i phih fai leh vek ang a, moisturizer i ngeih chi kha i hnawih leh mai ang. Hetianga tih hnu hian nisa do loh tur a ni a, kar khatah vawi 1 aia tam tih loh hram a tha bawk.
Tomato
Tomato hian lycopene a pai a, hei hian vun rawng nisa vanga lo danglam te a ti reh thei a ni. Sun burn neih palh pawhin tomato hnawih vat hian a na lutuk tur a ti ziaawm ve thei tlat. Tomato hel kha rawt kawi vek la, i hmai leh nghawng velah khan han hnawih teh le. Minute 20 hnuah I phih fai ang a, moisturizer i hnawih ang. Kar khatah vawi 2 aia tam tih loh tur, nisa do loh bawk tur ani.
Alu
Awihawmlo deuh, tha ve tlat si chu alu hi a ni. Ser tui kan sawi ang deuh khian natural takin vun a bleach thei a. Vun dum deuh te pawh a tifai thei a ni. Alu hel silfai sa kha nawr dip vek la, rawt kawi hlarh ang che. Face pack angin i hmai leh nghawng ah te i hnawih ang a, minute 20 chhung iI nghak ang. Chumi hnuah phih faiin moisturizer hnawih leh tur a ni. Ni karthlak te pawhin a tih theih.
Dahi leh khawizu
Dahi (Dhoi/yoghurt) hi vun ngona tan hian a tha em em a. Dahi thlumlo fiante 2 leh khawizu fiante 1 pawlh la, hmai leh nghawng velah hnawih chhuah vek tur a ni. Minute 15 chiah hnuah phih fai leh mai tur. Moisturiser in i chhunzawm ang. Hei hi chu nitin tih pawh a pawilo.
Vun ngo nan hian thil tam tak tha leh tih theih chu a awm a, mahse a chung a kan tarlan hi nitin a thil hmuh awlsam leh hautak lo a ni. A man te a to lo nain natural taka vun tih ngo nan chuan a effective ber te an ni. Ngona lam tur a vun kan enkawl reng reng in sunscreen tha tak hman tel zel tur tih hi hre nghal ila.