LBS Suzuki 21st Inter Branch YMA Football Tournament 2023 a final luh inchuh turte an hriat kim tawh. Bawngkawn, Venghnuai, Tlangnuam leh Salem Veng zingah champion an awm dawn.
Thawhtanni khan khelmual pahnihah quarter-final khelh a ni a. Inkhel boruak a ‘hot’ thin.
Lammualah player malkhai a nei tha Bawngkawn in 3-1 in Khawzawl Vengthar an hneh. Mizoram football leh Indian Super League thlenga tawnhriat nei tha tawh player kawl hnem Bawngkawn hi semi-final ah pawh rinkai an ni ang.
An hma a ding tur Tlangnuam in chak turin penalty shootout an mamawh. Chutihrualin an hneh tak Durtlang hi team khauh tak an ni.
Venghnuai in Laldanmawia penalty leh Malsawmzuala Tlangte goal khung hmangin 2-1 in Bethlehem Vengthlang an hneh.
Salem Veng in penalty shootout-ah Hualngohmun an hneh ve bawk.
June 5, Thawhtanni quarter-final inkhel result :
AR Lammual
11:00AM Khawzawl Vengthar 1-3 Bawngkawn
(V Lalhriatrenga 16′) (HP Lalremruata 41′, Lalremtluanga Fanai 45′, Isak Vanlalruatfela)
1:30PM Durtlang 1-1 Tlangnuam
(Lalchungnunga 83′) (Vincent Lalduhawma 54′)
(Penalty Shootoit-ah Tlamgnuam 5-4 in an chak)
RG Stadium
11:30AM Venghnuai 2-0 Bethlehem Vengthlang
(Laldanmawia 40′ (P)’, Malsawmzuala Tlangte 45+’)
2:00PM Hualngohmun 1-1 Salem Veng
(Vanlalthanga 55′) (Lalremruata 19′)
(Penalty Shootout-ah Salem Veng 5-4 in an chak)
June ni 7, 2023 (Nilaini) Semifinal inkhel tur :
RG Stadium
4:00PM Bawngkawn vs Tlangnuam
7:00PM Venghnuai vs Salem Veng