Spanish rider Aleix Espargaro chuan British Grand Prix-ah hnehna a chang a. Pakhatna a tlan thleng turin champion lai chu lap hnuhnung berah a lehpel.
Silverstone tlankawng a Pathianni tlaia MotoGP intlansiakah hian Espargaro hian lap hnihna atanga hmahruaitu Bagnaia chu lap hnuhnung berah theihtawp a umin a hlawhtling a. Khaw chhe tan deuh chu remchangah la in huai taka tlanin hnehna a chan phah.
Aprilia bike khalhtu Espargaro hian tun season-ah hnehna a chan vawikhatna a ni a. Hetihlai hian champion lai Bagnaia hian amah hnaihtu ber Marco Bezzecchi chuan point a hmuh loh avangin point 41 in world championship-ah a hmahr-uaina a belh.
“Lap hnuhnung ber kha chu sawi ngaihna ka hre lo. Han sawifiah vak theih pawh a ni lo, ruah kha tla mahse ka bike khalh kha a nuam a, ka ring tawk hle.” tiin Espargaro chuan a sawi.