Man City winger thar Jeremy Doku

Premier League champion Manchester City chuan Belgium winger Jeremy Doku chu Stade Rennes atangin Pound maktaduai 55.4 in an lalut fel.

Season liamta a treble champion hian kum 21 mi hi kum nga contract an ziahpui a, jersey number 11 a ha ang.

“Ka tan ni lawmawm tak a ni, mimal leh ka inkhelhna lamah pawh. Man City hi khawvela team tha ber an ni a, chuvangin anni ka zawm thei hi ka tan chuan thil ropui tak a ni.” tiin Doku chuan a team thar a zawm chungchang a sawi.

Doku hi tun nipuiah Pep Guardiola in tun nipui a player a lakluh pathumna a ni a, Chelsea atangin midfielder Mateo Kovacic leh RB Leipzig defender Josko Gvardiol te a lalut tawh.

Doku hian season liamta khan match 35 khelin goal sarih leh assist vawi li a nei a. Rennes tana kum thum a inkhelh chhungin winger tlanchak hian match 92 a khel a, goal 12 khungin assist vawi 10 a nei.

France a pan hma in an ram club RSC Anderlecht-ah bul tanin match 37 a khel a, goal sarih a khung a, assist vawi 6 a nei bawk.

Belgium tana vawi 16 inkhel tawh Doku hian Guardiola hnuaia a khel thei tur chu a thutlukna siam chhan lian tak a nih thu a sawi tel.

Man City director of Football Txiki Begiristain chuan Doku chu Guardiola hnuaiah hian world class player a nih theih tur thu a sawi a. “Theihna sang a nei a, winger in an mamawh ralthuam chu a nei vek. Pep leh a technical staff te nen an han thawkho anga, world class player a ni thei ang.” a ti.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427