Aizawl North I Block Political Training-cum-Workers Meets nimina Durtlang MC Hall-a buatsaihah P&E Minister R Lalzirliana’n a hmanpui.
Khuallian, minister R Lalzirliana chuan MNF te hi lal an ni lova, hnathawk tur an nih avangin chapo thei an nih loh thu a sawi a. Kohhran te pawhin an dik lohna a lo awm a nih pawhin lenchilha an fel lohna te sawiin hrilh thin se a duh thu a sawi a. MLA nih chiah hian sual thlemna atana engkim a lo awlsam tawh avangin, thil tha lo laka fimkhur a tul tih a sawi.
R Lalzirliana chuan, mipuite pawhin candidate te hi an zir chian a, an nungchang leh khawsak phungah te bial tan an tling chiah em tihte zirchian a, hriat chian a pawimawh thu a sawi bawk.
He hun hi AMC Mayor C Lalrinenga pawhin a hman pui a. Khuallian, kumin MLA inthlanpui lo awm tura Aizawl North-I biala MNF party candidate tura rin R Lalzirliana hian an party MNF-ah mi eng emaw zat a lawm lut nghal bawk.