Mizoram sorkar hnathawkten vawiin atanga ni thum chhung pisa kal chunga hna thawk lova nawrh an tum chu an thulh.
Thu dawn danin sorkar hnathawk intelkhawmna pawl, Federation of Mizoram Government Employees & Workers (FMGEW) chuan Inrinnia Chief Minister Zoramthanga nena an hruaitute inkawm hnuah nawrh an tum hi an thulh ta a ni.
Sorkarin thu a lo chhuah tawh angin sum harsatna namen lo sorkarin a hmachhawn chungin an ngiat angin Dearness Allowance 4% pung chu September 1 atangin an dawng tan dawn a. Hei hi a pawisa fai a dawng lovin an General Provident Fund-a thun tur a ni dawn a. Sum dinhmun azir zelin a theih angin DA tihpun pawh la ngaihtuah zui zel sorkarin a tiam bawk niin an sawi.
Hetianga sorkarin an thil phut eng emaw chen a tihpuitlinsak dawn takah hian Thawhtanni atanga Nilaini thleng hna thawk lova nawrh an tum chu an thulh ta a ni.