AZL: ICFAI University Mizoram Vice Chancellor thar, Prof. Dr. Bijay Singh leh Dr. David Lawmzuala, Registrar chuan nimin khan Larsap Dr Hari Babu Kambhampati chu a chenna, Raj Bhavan-ah kawmin, ICFAI kalpui dan leh an hmachhawpte an sawipui.
An inkawmnaah hian larsap chuan ICFAI University Mizoramin course hrang hrang an zirtir mekte chu tha a tih thu a sawi a. Skill development leh vocational education huangah te tan lak a ngai tih a sawi.
Teaching faculty-te chu tan la chhunzawm tura fuihin zirlaite hnenah state pawn lama hna hmuh theihna tura thiamna zirtir turin a chah a. ICFAI University, Mizoramin hma a sawn zel theih nan a tul phawt chuan tanpui a inpeih reng thu a sawi bawk.
ICFAI University Mizoram hian NEP 2020 an hmang tan tawh a. Tunah hian course hrang hrang 12 hnuaiah zirtirna an kalpui mek a. Zirlai 630 an nei mek a ni.