Aizawl : School Education Minister Lalchhandama Ralte-in nimin khan Darlawn leh East Phailengah school buil- ding sak thar pathum – Govt. East Phaileng Primary School II building, Samagra Shiksha Higher Secondary Scho- ol Arts stream E. Pha- ileng building sak thar leh Samagra Shiksha Higher Secondary Sch- ool (Science Stream) Darlawn building sak thar te a hawng.
Lalchhandama Ralte chuan thim ata enga hr- uai chhuak turin Pathian thu tihlohah chuan zirna a pawimawh ber thu sawiin, technical lama hna tha leh sang thawk turin Science thiam a ngai a, Darlawnah he subject zirna a lo awm ta chu lawmawm a tih thu a sawi a. Mizoram sorkarin sikul 180 zet sorkar sikulah a hlang- kai a, Adhoc Aided leh Lumpsum a dah tharte nen sikul 300 zet din- hmun thaah an ding ta nia sawiin, “sorkar hian kum 2021-ah he hmasawnna hi thlen a tum tawh a, hripui avangin a khawtlai ta mai zawk a, politics-a ham- thatna atana hman tum vang a ni lo” a ti.
Education Minister chuan Mizoram sorkar- in Mizo tawng tihhmasawn, humhalh leh tihzahawm zel a tum thu sawiin, MPSC-in hna a lakah Mizo tawng an thiam leh thiam loh en nan Mizo tawng middle school standard exam buatsaih a ni tawh dawn tih a sawi a. “Hna tha leh sang thawk thei chhertu khawl zirna tha he tlangdungah hian dah a ni ta a, zirlaite chu ruihhlo laka buai mai lovin tum neia kal tur leh Pathian tih leh malsawm tlaka zir turin ka chah a ni” a ti bawk.