Mizoram Board of School Education (MBSE)-in Directorate of School Edu- cation Conference hall, Aizawlah nimin atang khan Training of Master Trainers on Online Application Software & Integrated Digital Payment System an buatsaih a, tun thla ni 19 thleng a awh ang.
Training-ah hian Aizawl, Kolasib, Ma- mit, Serchhip leh Saitual district-a high school leh higher secondary school examination centre leh feeder school atangin zirtirtu pakhat theuh tel tura ruahman a ni.
Training-ah hian MBSE online portal thara online registration tih dan te, online a exam form fill-up dan te, affiliation dil leh fee pek dan bakah thil thar MBSE portal-a awm te an zirho ang a. MBSE-in a hman mek Integrated Evaluation Sch- eme (IES) chungchang pawh zirho tura ruahman niin, online portal hmanga internal mark submit dan te pawh an zir bawk ang.