Aizawl : India rama kumtin October ni 5-12 chhunga hman thin Right to Information (RTI) We- ek chu nimin khan Champhai-ah Bawrhsap James Lalrinchhana hova hman a ni a. Champhai District-a sorkar pisa hrang hranga hotute, SPIO leh SAPIO, Champhai MJA hruaitute, Champhai Sub-Hqrs YMA, MUP leh MHIP hruaitute an tel.
Champhai Bawrhsap chuan mipui rorelna sor- kar (democracy) leh RTI chu thil kalkawp tlat a nih thu sawiin, sorkar hmala- kna leh hnathawhte hriat chu khua leh tui te chanvo a nih thu a sawi a. He dan hi a nih tur anga hman tangkai a nih theih nan RTI hnuaia mawhphurna fawng chelhtu SPIO leh SAPIO-te chu he dan zir- chianga, hun bituk chhung ngeia information pe chhuak thin turin a chah.
RTI chu India khua leh tui zawng zawngte tana dikna chanvo pawimawh ber te zing ami a ni tih hre thar leh tura kalkhawmte chu chahin, Bawrhsap ch- uan mipui puih duhna rilru pu tlat chunga RTI zawh- na te uluk taka chhang thin turin a chah a. He dan hnuai chetlak dan tur chu- ngchangah hriattiam loh leh hriatchian duh an neih te chu dist thuneitute em- aw Mizoram Information Commission lamah emaw inthlahrung lova zawtfiah thin turin a chah bawk.
Champhai Bawrhsap chuan mipui ten sorkar atanga an hriat duh an hri- at theihna RTI chu langtlang sorkar siamna tura thil pawimawh, sorkar khalh ngiltu leh sorkar tha siamtu hmanraw tangkai tak a nih avangin Champhai district mipuite chu RTI hmang uar deuh deuh turin a chah a ni.
Siaha-ah pawh nimin vek khan RTI Week hman a ni a. Hun kaihhruaitu Addl. DC Lalnunmawii’n RTI Act-in mipuite kutah thuneihna sang tak a pe tih sawiin, RTI Act-in a tum ber chu sorkar rorelna tha leh dik awm tira, sorkar hnathawk ten an mawhphurhna an hriata, mipui ten sorkar kalphung thuk zawka an hriatna tura thawh a nih thu a sawi.
RTI chu eirukna leh hlemhletna dona atana thil tangkai tak a nih thu pawh Lalnunmawii chuan sawi- in, mipui te chu uar leh tangkai zawka hmang thin turin a chah a. RTI hmansualna kawng tam tak a awm thei tih hriaa, mimal inhuatna avanga RTI hm- an dik loh a awm fo thin thu leh dik leh a nihna ang taka hmang turin kalk- hawmte chu a chah.
Sorkar thuchhuahin a tarlan danin RTI Act hi India ramah October ni 12, 2005 ah hman tan a ni a. Mizoram-ah chuan Ju- ne ni 29, 2006 ah Mizoram Information Commission din niin, July ni 5, 2006 atangin hna a thawk.
Mizoram RTI Online – rti.mizoram.gov.in/ July ni 1, 2022 ah hawn a ni a. Information dil theitute India khua leh tui zawng zawng niin, Information dil man Rs 10 a ni a, BPL tan BPL chungchang dil man chawi a ngai lo thung.